Tutlayt n uzekka

[noriadiri]

Senseɣ aḥulfu n wul-iw
Sburreɣ lḥijab i tfekka-w
Qqareɣ ulac lemtel-iw
Yir awal deg-i yekkaw
ẓerrbeɣ alen-iw s tafat
Seg-sent ttwaliɣ tifrat
Timetti deg-i tekkat
Almi reggleɣ deg yimaiw​

~~~~~~~~~~~~~~~~~~~~~~

Tettwaɣ tmurt deg inella
Dayen ur iyi-tehwi ara
Yehwa-yi kan ad teǧǧeɣ
I mi iyi-teǧǧa ad tt-kerheɣ
Ur yelli d lebɣi
I mi ur tt-ḥmileɣ
D yir tamuɣli
Iyi-ǧǧan deg-s reggleɣ​

~~~~~~~~~~~~~~~~~~~

D yir awal
D yir tasuta
I mi i d-yeffeɣ umawal
Tajellabt tecba tata
Tuɣal tmurt tenhewwal
S yir timsal tessawal
Tarumit deg-s tumes
Almi i tenta deg-s tmes​

~~~~~~~~~~~~~~~~~~~

A dunnit melba llebsa
Win i kem-yeẓran yeḍsa
A tidett terẓageḍ
Kemm akked lekdeb temmeẓgeḍ
Tuɣaleḍ d taferka
Ur d-nettaǧǧa dderya
Akal-im yerka
Гas yeṣfa ulac nniya​

~~~~~~~~~~~~~~~~~~~~~~

A dunnit ul-im yesseḍ
Dag yirebbi n lqaɛ terseḍ
Tuɣaleḍ akk n medden
D yir tafekka
D tala i yeffuden
Lewsex akk syin i dyekka
Swan akk aman-im
Almi i tectaqeḍ iman-im​

~~~~~~~~~~~~~~~~~~~

Kemm d tameṭṭut n lmut
Tekkreḍ-d i talmut
D asnuffes n urgaz
Ur nesɛi araz
D amezruy i imeḍlen imru
Yefren allaɣen n tmurt
Yeǧǧan amyaru
Ad yergem tudert​

~~~~~~~~~~~~~~~~~~~

Tluleḍ-d i wakken ad d-iniḍ
Tutlayt n usirem terẓa
Гas akken ur d-nniḍ
Tɛebḍeḍ Yellu wiss tẓa
Tekniḍ i ugellid n yiḍ
Tesseɣzafeḍ iḍ
Tebniḍ aɣerbaz n ccḍeḥ
Iɣes-im ad yefḍeḥ​

~~~~~~~~~~~~~~~~~~~~~~

Tbeddleḍ i tudert nnekwa
Tefkiḍ-as tugna n laxert
Tenniḍ lmut tesɛa ddwa
S ufus-im ad terreḍ tudert
Tenɣiḍ i wakken ad temḥiḍ
Asmekti ɣef i terḥiḍ
Tenɣiḍ amdan yettewɣiḍ
Deg tayri n tmes terɣiḍ​

~~~~~~~~~~~~~~~~~~~~~~~~

Asmi ara ad tenṭeq laxert
Iɣsan-im ad ɛewjen
Ad tenger tfekka n tmurt
Wid id trebbaḍ akem-ǧǧen
A timetti ur neǧǧi tidett
Yeǧǧan lḥif deg-i itett
Гas teskerrheḍ-iyi iman-iw
Iman-iw iḥemmel-iyi
​

 

[MysTerre]

Dommage qu'il n'y ai pas la traduction.

 

[noriadiri]

si ça le problème...si une langue inconnue elle ni pas internationale...elle s'appelle une langue amazigh(kabyle)...mais jspr que elle va être un jour...si moi je peux vous comprendre vous aussi vous pouvez me comprendre..svp essayez vous de chercher cette langue et de l’apprendre comme je fais moi j'ai appris votre langue...et comment en dit:si tu veux tu peux!!!merci